છોટુ હાથી -બાળગીત

છોટુ હાથી

એક હતો હાથી,એનુ નામ છોટુ;

ટુંકી તેની પૂંછડી ને પેટ તેનુ મોટુ.

પગ તેના થાંભલા જેવા,ચાલે એ તો ધમ-ધમ;

જંગલ આખુ જાણી જાય,આવી સવારી ભમ-ભમ.

સસલુ ભાગે,હરણ ભાગે,ઝાડ પર ચઢે બંદર;

પારેવા ઊડે દૂર આકાશમાં,દરમાં ઘૂસે છછુંદર.

આખુ જંગલ હેરાન-પરેશાન,હવે કરીયે તો કરીયે શું?

હાથીભાઇ તો નહોતા આવા,ખબર નહિ થયુ છે શું?

ત્યાં તો કીડીબેન બોલ્યા,"ચાલો જઇએ દવાખાને "

ઊંચકીને બધા પશુ-પક્ષી,લઇ આવ્યા ડો.જિરાફ્ને.

ડો.જિરાફ આવ્યા,સાથે ચશ્મા લાવ્યા;

હાથીભાઇને પહેરાવ્યા,હવે બધા દેખાયા.

છોટુને તો જાણે નવી નવી આંખો મળી;

બધાને થઇ હાશ! કે મોટી દુર્ઘટના ટળી!!!

-----બિનલ નાકિયા